Deur Griet Swanepoel
Resep vir 8 persone
Hierdie ontbytgereg is heerlik en dit werk wonderlik omdat al die werk vooraf gemaak kan word. Die volgende oggend word dit dan net in die oonde gedruk. Elke persoon kry ’n vierkantige toebroodjie wat die porsies maklik beheer omdat dit mooi afgebaken is in die pan. Die resep is vir 8 persone, maar kan maklik vermeerder word vir ’n grootmaat ontbytresep. Probeer dit gerus vir ’n volgende saamtrek, klassis of sinodesitting.
My raad: Die porsies is werklik groot en as daar ander bykosse soos joghurt en vrugte op die spyskaart is, kan net ’n halwe broodjie ook ’n voldoende porsie wees.
Bestanddele:
16 Snye brood
250 g kaas/ snytjies of gerasper
750 ml melk
10 ml Worcestersous
1 ui
250- 500 graanvlokkies
125 ml margarien
250 spek
6 eiers geklits
Tabascosous
Sout en peper
1 groen rissie en 1 pakkie wit sampioene fyngekap (opsioneel)
5 ml droë mosterd
Metode:
- Rooster die brode liggies
- Smeer ’n oondpan of bespuit met kleefwerende middel.
- Braai uie, groen rissie en sampioene en sit een kant
- Braai spek op ’n warm plaat
- Klits die eiers, ’n druppeltjie tabascosous, mosterdpoeier, melk met sout en fyn swart peper saam.
- Pak nou die eerste laag broodjies in die oondvaste bak.
- Plaas die lagie gebraaide uie, sampioen en rissie daarop.
- Gooi nou ’n lagie spek daaroor.
- Strooi gerasperde kaas of ’n snytjie kaas bo-oor.
- Bedek nou met nog ’n lagie brood om toebroodjies te maak.
- Gooi geklitste eiermengsel bo-oor druk gaatjies met ’n vurk sodat die mengsel goed kan week. Bedek met kleefplastiek en laat staan oornag in die yskas.
- Gooi volgende oggend gesmelte margarien oor die broodjies.
- Gooi nou die graanvlokkies oor.
- Bak teen 180ᵒC vir 45 minute tot bruin en bros.
- Bedien warm.
