ʼn Biddende gemeente is ʼn lewende gemeente.

Liewe Medegelowiges,

Ek het geleer dat ʼn lewende gemeente nie aan getalle gemeet word nie. Selfs twee of drie biddende gelowiges kan ʼn reuse verskil maak in ʼn gemeente en ook in die hele gemeenskap.

Om te bid is om jou gedagtes te rig tot God, onse Vader, wat in die hemel is. Ons besef ons is hier maar net tydelik. Ons rig ons oë weg van die sukkelbestaan van rentekoerse, tolpaaie en petrolpryse wat ons spaarvarkie druk dat sy oë traan. Ons kry kans om in die gebed na die hemel te kyk en te sien waarheen ek op pad is. Ek kry kans om my sondes te bely, my medemens te vergewe en bowenal vir my predikant en my gemeente te bid.

Hoeveel tyd moet ons nie maak vir hierdie belangrike saak nie. Die feit dat ons hier op aarde aan ʼn gemeente behoort, is ʼn stukkie hemel op aarde. Daarom moet ons dit lewendig en spesiaal hou deur ons gebede. Hoe jaloers is die duiwel nie op ons hemelse geskenk nie. Ons wapen teen hierdie felle aanslag is alleenlik gebed.

Kom ons bid meer as ons ooit vir ons klein gemeentes op die platteland, vir ons maksi-gemeentes in die stad, vir elke lidmaat, ampsdraer en predikant. Kom ons gee ons hemelse geskenk ʼn nuwe glans deur ons gebede vir mekaar.

Thea De Villiers

Maak 'n Verskil Deel Met Iemand

Share on facebook
Share on twitter
Share on whatsapp
Share on pinterest
Cobie Steyn
Cobie Steyn
Ek bly op Lydenburg, is getroud met Abel Steyn, wat predikant is van die Gereformeerde Kerk Lydenburg. Ons het 3 kinders (1 dogter en 2 seuns) wat almal al groot en uit die huis uit is. Ek het onder redakteurs Ansie du Plessis en Mariana Venter begin artikels skryf. Sedert Mei 2009 is ek redakteur van die blad. Dit is vir my ʼn voorreg om die blad so saam te stel dat die inhoud sal bydra tot geestelike verryking en geloofsgroei vir vrouens. Opgeleide onderwyseres in Afrikaans en Engels (min skoolgehou); 9 liefdesverhale by Lapa gepubliseer. Beroep tans: Voltydse PA vir blinde predikant.

Leave a Reply

Your email address will not be published. Required fields are marked *

Lees meer

Verwante Artikels

vroueblad lmei junie

Wag

Soos een wat op die mure as wagter uitgestel, gedurig deur die ure met sy gedagte tel – só wag my siel, en sterker, gedurig

Die eggo van Christus se voltooide taak

Deur Dr. Johannes Bingle (emeritus) Kom ons hoor nogeens Jesus se oorwinningskreet: “Tetelestai!” Hierdie werkwoordvorm soos dit  in die Grieks van Johannes 19:30 staan, wat

Paasprogram

Griet Swanepoel Voorleser:    Op die vooraand van die herdenking van die dood en opstanding van onse Here Jesus Christus kan ons hierdie gebeure inlei

top