Gebed: In gesprek met God

Liewe suster in die geloof,

Besef ek en jy elke dag watter wonderlike voorreg ons as God se Nuwe Testamentiese kinders het om in direkte gesprek met Hom te mag wees? Ek hoef nie na ʼn mede-sondaar toe te gaan om vir my in te tree by die Vader nie. Ek het nou ʼn oop kanaal en dit alles deur God wat my so innig liefhet dat Hy sy Seun gestuur het. Maar…

Vra jy nie ook baie keer maar waarom bid ek nie? Alles om my is dan so verkeerd. Ek worstel met vrae hoe om ʼn situasies te hanteer. Ek bid en kry geen antwoord nie. Is dit nie dalk omdat ek so besig is om te smeek en te soebat dat ek nie lank genoeg stil word om te hoor wat die Vader vir my wil sê nie? Is dit nie miskien ook omdat ek dalk twyfel of God my sal antwoord nie?

Maar skielik kom daardie wonderlike sekerheid dat God belowe Hy sal my nooit verlaat, my nooit in die steek laat nie. Dan weet ek weer seker: Al kry ek nie al die antwoorde wat ek nou wil hê nie, weet ek ek is nie alleen nie en hoef ek my probleem ook nie alleen te dra nie.

Mag ons gebedslewe vir ons ʼn dieper en inniger verhouding met God wees. Want na wie anders toe kan ons gaan?

Met liefde
ʼn Medegebedsreisiger

Maak 'n Verskil Deel Met Iemand

Share on facebook
Share on twitter
Share on whatsapp
Share on pinterest
Cobie Steyn
Cobie Steyn
Ek bly op Lydenburg, is getroud met Abel Steyn, wat predikant is van die Gereformeerde Kerk Lydenburg. Ons het 3 kinders (1 dogter en 2 seuns) wat almal al groot en uit die huis uit is. Ek het onder redakteurs Ansie du Plessis en Mariana Venter begin artikels skryf. Sedert Mei 2009 is ek redakteur van die blad. Dit is vir my ʼn voorreg om die blad so saam te stel dat die inhoud sal bydra tot geestelike verryking en geloofsgroei vir vrouens. Opgeleide onderwyseres in Afrikaans en Engels (min skoolgehou); 9 liefdesverhale by Lapa gepubliseer. Beroep tans: Voltydse PA vir blinde predikant.

Leave a Reply

Your email address will not be published. Required fields are marked *

Lees meer

Verwante Artikels

vroueblad lmei junie

Wag

Soos een wat op die mure as wagter uitgestel, gedurig deur die ure met sy gedagte tel – só wag my siel, en sterker, gedurig

Die eggo van Christus se voltooide taak

Deur Dr. Johannes Bingle (emeritus) Kom ons hoor nogeens Jesus se oorwinningskreet: “Tetelestai!” Hierdie werkwoordvorm soos dit  in die Grieks van Johannes 19:30 staan, wat

Paasprogram

Griet Swanepoel Voorleser:    Op die vooraand van die herdenking van die dood en opstanding van onse Here Jesus Christus kan ons hierdie gebeure inlei

top