Vrugtekoek vir Kersfees

Deur Griet Swanepoel

 Bestanddele

  • 250 ml korente
  • 250 ml sultanas
  • 250 ml pitlose rosyne
  • 125 ml dadels
  • 50 ml versuikerde lemoenskil

(Gooi bogenoemde bestanddele in ʼn bak en laat oornag week in 125 ml brandewyn)

  • 250 ml karamelsuiker
  • 175 ml water
  • 125 ml glanskersies
  • 125 ml gekapte neute
  • 500 ml koekmeel (sif drie keer)
  • 2 groot eiers (of 4 kleintjies)
  • 5 ml gliserien
  • 2 ml sout
  • 125 g botter /bakmargarien
  • 5 ml koeksoda
  • 5 ml bakpoeier
  • 5 ml vanieljegeursel
  • 5 ml amandelgeursel (opsioneel)
  • 100 ml brandewyn vir die mengsel (daarna elke week wat die koek staan nog 100ml brandewyn)

Metode

  • Smelt die botter in ʼn kastrol oor lae hitte. Gooi die geweekte vrugte, suiker, koeksoda en water by en kook vir 20 minute.
  • Laat staan die gekookte vrugte oornag.
  • Volgende dag: Gooi die kersies en neute by die mengsel.
  • Klits die eiers baie goed en voeg by. Voeg die gliserien by.
  • Gooi nou die meel, sout, bakpoeier, 100ml brandewyn, vanieljegeursel en amandelgeursel by.

Berei die pan voor as volg:

  • Smeer eers die pan, sny drie lae waspapier vir die binnekant van die pan en smeer weer goed met margarien.
  • Neem nou koerantpapier en maak drie lae vir die buitekant rondom die pan en om onder die pan te sit.
  • Die oond word gestel op 160-170⁰ Bak die koek vir 3 ure tot die toetspen skoon uitkom.
  • Koel goed af draai toe in foelie en kleefplastiek en maak elke week oop en bedruip met brandewyn.

Versier dan wanneer jy die koek wil bedien:

  • Bedek die koek met warm appelkooskonfyt en marsepeinversiersuiker wat jy uitrol in mielieblom en laat ʼn paar dae staan.
  • Bedek met die gekoopte Pettenice (fondant) versiersuiker wat jy uitrol op gesifte versiersuiker. Versier met Kersfeeslint.

 

Nou is jy is reg vir Kersfees!

Leave a Reply

Your email address will not be published. Required fields are marked *